முதுமை - 2
முதுமையில் நிற்கையிலே..
பெருங்குரலெடுத்து
பெற்றெடுத்த அன்னையுமில்லை,
சுற்றி நின்ற உறவுகளுமில்லை,
கதை சொல்லி - நெய்
கலந்து ரசஞ்சோறு ஊட்டிய
கரங்களும் இல்லை.
தூக்கி வளர்த்த தந்தையுமில்லை
ஓடி விளையாடிய நட்புமில்லை.
வந்தபோது புன்முறுவலாய் பேசி
சொல்லாமல் இறங்கும்
தொடர்வண்டி பயணி போல்,
செல்லும்போது சொல்வதுமில்லை...
இப்படி
அத்துனை பேரும்,
சொல்லாமல் சென்றார்களே...
இந்த முது(தனி)மையை பற்றி?
இருக்கும்போது
உடும்பாய் பற்றிய அத்தனை
உலக விஷயங்களும் இங்கே இருக்க
எங்கே அவர்கள்?
பத்திரமாய் பாதுகாத்த
சொத்து பத்திரங்களும்,
உறவு கசந்து
அடைத்த வேலிகளும்,
அலமாரியில் அடுக்கிய
விருப்ப உடுப்புகளும்,
பரணியில்
பாங்காய் அடுக்கிய
பல வருட
பொங்கல் பானைகளும்,
பல கல்யாணங் கண்ட
முற்றத்து வாசல்களும்,
புளியிட்டு விளக்கிய
பித்தளை பாத்திரங்களும்,
அத்தனையும் பத்திரமாய்
இன்னும் இருக்க,
எங்கே அவர்கள்?
- Balaji Vedharajan
image: Gemini
No comments:
Post a Comment