Balaji Vedharajan - Palk Bay in My Perception

ஐப்பசி, கார்த்திகை மழைக்காலத்தில் காவிரி ஆற்றின் வெள்ளநீர் நம் கடலில் கலக்கும் போது, அடர்த்தி குறைந்த நன்னீர், அடர்த்தி மிக்க கடல் நீருடன் உடனே கலந்துவிடாது. ஊடலால் பிரிந்திருக்கும் தலைவனும் தலைவியும் போல, அவை சில காலம் பிரிந்தே இருக்கும். கலங்கிய நன்னீர் கடலின் மேற்பரப்பிலும், தெளிந்த கடல் நீர் அடிப்பகுதியிலும் தனித்தனியாக நிற்கும். தை பிறக்கும் அறுவடை காலத்தில், ஜல்லிக்கட்டில் காளைகளும் காளையரும் சீறி வீரத்தை வெளிப்படுத்தும் நேரத்தில், வாடை காற்றின் வேகம் மெல்ல குறையும். அப்போது கடல் நீரும் நன்னீரும், பொருள் ஈட்டிச் சென்ற தலைவன் மீண்டும் தலைவியுடன் சேர்ந்து உள்ளம் இரண்டற கலப்பது போல, ஒன்றோடு ஒன்று கலக்கத் தொடங்கும். “உப்பமைந் தற்றால் புலவி அதுசிறிது மிக்கற்றால் நீள விடல்” என்ற திருக்குறளுக்கு ஏற்ப, பிரிவு அளவுக்கு மீறினால் வாழ்வு இனிமையடையாது என்பதை உணர்ந்த தலைவனும் தலைவியும் மீண்டும் கூடுவது போல, நன்னீரும் கடல் நீரும் சேரும். அவற்றின் கூடலுக்கு உதவுவது போல, வானில் மிதக்கும் நிலவு கடல் நீரை ஈர்த்து, வெள்ளமும் வடுவும் ஏற்படுத்தி துணை நிற்கும். அதே சமயம், திரைக்கடல் ஓடி பொருள் கொண்டு வ...

இந்த சித்திரை துவங்கிய நன்னாளில், நம் கடலில் இன்று எடுக்கப்பட்ட புகைப்படம். வாட்டாலை  (கடல் தாழை) என அழைக்கப்படும் Enhalus accoroides பூக்க துவங்கி உள்ளது.  சித்திரை மாதத்தில் இவ்வாறு மலர்வது, இந்த வருட பருவநிலை மாற்றங்களின் இயற்கையான சீரான ஓட்டத்தைக் குறிக்கும் விதமாக இருக்கலாம். இந்த கடல்புல் இனத்தில் ஆண் மற்றும் பெண் பூக்கள் தனித்தனியாக இருக்கும். ஆண் பூக்கள் சிறியதாகவும், முதலில் கடலடியில் உருவாகி பின்னர் நீர்மேற்பரப்பிற்கு விடப்படுவதும் சிறப்பு.  எனவே, "வெள்ளத் தனைய மலர்நீட்டம் மாந்தர்தம் உள்ளத் தனையது உயர்வு" எனும் திருக்குறளுக்கு, இவற்றையும் உவமையாக கொள்ளலாமோ!  ஆண் மலர்கள்  நீரில் மிதந்து மேலே வந்து உடைந்து, உள்ளிருக்கும் மகரந்தத் துகள்களை வெளியிடுகின்றன. பெண் பூக்கள் நீண்ட தண்டு மூலம் நேரடியாக நீர்மேற்பரப்பை அடைந்து திறக்கின்றன. இரு கைகளை விரித்தது  போல, பெண் பூக்கள் நீரின் மேற்பரப்பில் மிதந்து காத்திருக்கும். அப்போது, நீர்மேல் மிதக்கும் ஆண் பூக்களில் இருந்து வெளியான மகரந்தம்,  அலைகளின் உதவியுடன் பெண் பூவிற்கு சேர்கிறது. இது “மேற்பரப்பு மகரந்தச...

நீங்கள் நம் கடல் கரைக்கு செல்லும்போது, நிறைய கடல் புற்கள் ஒதுங்கி இருப்பதை காணலாம்.  அதில் கடல் கரும்பு அல்லது கரும்பு தாழை(Cymodocea serrulata ) என்ற வகையை எப்படி கண்டறியலாம் என தெரிந்து உங்கள் இளைய தலைமுறைக்கு விளக்கலாம்.  14 வகை கடல் புற்களில்  கட, இந்த குறிப்பிட்ட இனத்தைக் கண்டறிய இந்த நான்கு முக்கிய அடையாளங்களை கவனியுங்கள்: 1. இலையின் நுனிப்பகுதி இலையின் நுனியை உற்றுப் பார்த்தால், சிறிய ரம்பம் போன்ற பற்கள் (Serrations) இருக்கும். மொபைல் போனில் இலை நுனியை ஒரு போட்டோ எடுத்து பாருங்கள். நுனியில் ரம்பம் போன்ற பற்கள் இருந்தால் அவை Cymodocea serrulata.  இலை நுனியை விரலால் தடவிப் பார்த்தால் சொரசொரப்பாக இருக்கும். இதுவே இந்த இனத்தின் மிக முக்கியமான அடையாளம். 2. தண்டுப் பகுதியில் உள்ள தழும்புகள் (Leaf Scars) இலையின் தண்டுப் பகுதியை (Stem) கவனித்தால், பழைய இலைகள் உதிர்ந்த இடத்தில் தழும்புகள் இருக்கும். முக்கிய குறிப்பு: இந்தத் தழும்புகள் தண்டினை முழுமையாகச் சுற்றியிருக்காது. ஒரு "பாதி வட்டம்" அல்லது "திறந்த அடைப்புக்குறி" போல இருக்கும். இது அதன் நெருங்கிய இனமான Cymodocea...

மாசாத்துவான் மகள் மகிழ்ந்து நடந்த , புகாரின் வீதி - கடலுக்குள் இன்று , கொம்பன் சுறா காவலுக்கு. கொற்கைக் கோமான் கொலுவில் அமர்ந்த , முத்துப் பீடம் – கடலுக்குள் இன்று , முந்நீர் வாழ் சிப்பிகள் காவலுக்கு. மாமல்லனின் குடைவரை எஞ்சியது ஒன்று மீதம் ஆறும் - கடலுக்குள் இன்று , காவலுக்கு கடல் ஓங்கிகள் . தொப்புள்கொடியாம் ஈழம்- குமரிக்கண்டத் தொன் தமிழர் அதை நடந்தே கடந்திருப்பாரோ ? கடல்கோள் தமிழ்நிலம் கேட்டால் பல கதைகள் கதைக்கும் , நகரும் மணல்மேடுகளும் – நம் தீவுகள் இருபத்தொன்றும் கோடி யென முடியும் மூன்று நிலமுனைகளும் , கிழக்கே நீண்டு தொப்புள்கொடியாய் இணைந்திருந்திருக்கும் – அதை அன்றே ஆழி தின்று தீர்த்திருக்குமோ! தமிழ்நிலச் சான்றோரே , அறிவியல் சொல் கேளீர் , எம் கேளிரெ! ஆழிக்கு அழிவில்லை - ஆயினும் மணல் வற்றிய ஆற்றின் வழி கடல் நிரம்பி காவிரிச் சமவெளியில் கண்மாய்கள் நிறைக்கும் கரும்புகை கக்கும் கணவாய்கள் காவல் காக்கும். தமிழ் நிலம் காப்பீர். Balaji Vedharajan  

lமருங்கப்பள்ளம் மருந்தீஸ்வரர் கோவில், தஞ்சை மாவட்டம் மாருதியின் மூலிகைமலைத் துண்டம் விழுந்த இடமே!  மருதநிலம் விழுந்த இடம் மருந்துப் பள்ளமானதே!  மருந்துப் பள்ளமருவி காலப்போக்கில் மருங்கப் பள்ளமானதே!  மூலிகைவளர் மருந்துகுளம் தீர்க்கும்பிணி தீர்த்தமானதே! ஐந்திங்கள் நின்சன்னதியை அன்பர்கள் சுற்றி வர!  ஐமுழுக்கும்  பசும்பால் படைக்கும் அடியாரின் நோய் தீர! மன்னன் நோய்தீர அருள்புரிந்த  பாதிரி மருந்தீஸ்வரா!  மருங்கப் பள்ள மலர்ந்த சர்வேஸ்வரா! Balaji Vedharajan

இன்று 26 டிசம்பர் சுனாமி நினைவு தினம்.  21 வருடங்களுக்கு முன், 2004 இல் PhD படிப்புக்காக தயார் செய்து கொண்டு இருந்த காலம்.   கிறிஸ்துமஸ் பொதுவாக வேளாங்கண்ணியில் ஒரு சிறப்பான காலம். விழாக்கோலம் பூண்டு, பல்வேறு மாநில மக்கள் உற்சாகத்துடன் வருவார்கள்.  அங்கு கடை வைத்து இருக்கும் வியாபாரிகள் இரவு பகலாக வேலை செய்வார்கள்.   அன்று காலைச் செய்தியில், கடல் அலைகள் தாக்கியதாக தொலைக்காட்சிகளில் பிரேக்கிங் நியூஸ் வந்து கொண்டு இருந்தது.  சுனாமி என்று பெயர் அப்போது மக்களுக்கு தெரிந்திருக்க வாய்ப்பில்லை  தங்கையின் வீடு வேளாங்கண்ணியில் இருந்ததால், பலமுறை ஃபோன் செய்தும் எடுக்கவில்லை.  பதட்டத்தில் அம்மா உடனே சென்று பார்க்க சொன்னார். அவசரத்தில் ஒரு அம்பாஸடர் காரை வாடகைக்கு எடுத்து கொண்டு நண்பர் அன்புவுடன் கிளம்பினேன். அம்பாஸடர் அரை நூற்றாண்டு காலமாக, நம் ஒவ்வொரு தேவைக்கும் வந்து நிற்கும்.   சகோதரியுடன் பிறந்த ஆண்களுக்கு எப்போதும் குடும்பத்தில் ஒரு எதிர்பார்ப்பு இருக்கும். அவர்களை திருமணம் செய்து கொடுத்த பிறகு, என்ன செய்கிறமொ இல்லையோ, அவர்களு...